Escarpida

Rufian chifout e planta-pouf
N'a estampat d'escaiòla
A proufitat de nautre gof

Rufian chifout e planta-pouf
S'es escapat l'escapùchou
A enganat de paure gus

Asperen qu'un jour
Plus d'escapatori
Ming'estrematori
N'a estrilhat, l'estriperen

Rufian chifout e planta-pouf
S'es escampat l'escroucaire
N'a laissat nec en lu siéu ret

Esperen qu'un jour
Plus d'escapoulada
Ming'escambetada
S'es esquilhat, l'especeren

Rufian chifout e planta-pouf
S'es escoundut en l'escurcina
N'a ben trufat brut truant

Mà es-ti segur
Qu'éu esquilassesse
Souta l'estafiéu
Ben estacat en
Un escarassoun

Que n'estrapaguesse
Nouòstr'escoutissoun
E que s'estegnesse
Dau siéu escaufestre

L'estrapassessian
Diéu noun l'espragnesse